Fortune plango vulnera stilantibus ocellis, quod sua michi munera subtrahit rebellis. Verum est, quod legitur, fronte capillata, sed plerumque sequitur occasio calvata. In Fortune solio sederam elatus, prosperitatis vario flore coconatus; quicquid enim florui felix et beatus, nunc a summo corrui gloria privatus. Fortune rota volvitur descendo minoratus, alter in altum tollitur, nimis exaltatus rex sedet in vertice; caveat ruinam! Nam sub axe legimus hecubam redinam.
Omnia Sol temperat purus et subtilis, novo mundo reserat faciem Aprilis; ad Amorem prosperat animus herilis et iocundis imperat deus puerilis. Rerum tanta novitas in solemni vere et veris auctoritas iubet nos gaudere, vias prebet solitas, et in tue vere fides est et probitas tuum retinere. Ama me fiedeliter! Fidem meam nota: de corde totaliter et ex mente tota sum presentialiter absens in remota.